සුපෙම් සුවඳක් අරන්

සුපෙම් සුවඳක් අරන් ඇවිත් සුලඟක් ලෙසින්
සදා රැඳෙනු සිතේ ඔබයි මගෙ ජීවිතේ

හිනා අහුරක් අරන් නැවුම් පැතුමක් ලෙසින්
සදා රැඳෙනු සිතේ ඔබයි මගෙ ජීවිතේ

පහන් තරුවක් වෙලා ඔබේ ලෝකය පුරා
හිදින්නම් සෑමදා ලගින් මියෙනා තුරා

ඔබේ සෙවනට වෙලා දෙපා මුල දැවටිලා
රැඳී ඉන්නම් සදා හදින් සෙනෙහස පුදා

ඔබේ සුරතල් සිනා නිවයි දුක් වේදනා
පිරී සිත සැනසුනා හදේ සෙනෙහස නිසා

ගතින් පෙරුමන් පුරා ඇවිත් සසරේ සරා
හිතේ නැවතුන නිසා මමත් ඔබගෙයි සදා

ගායනය: රොෂාන් ප්‍රනාන්දු මහතා