කඳුළ නිවන්නම්

කඳුළ නිවන්නම් නෙත නොතෙමනවා නම්

තනියට ඉන්නම් තනි නොකරනවා නම්

මතකයේ ඉන්නම් අමතක නොම වේනම්

සෙනෙහෙ පුදන්නම් හිත නොරිදනවා නම් 

මල් පූදින්නේ දෑඟිලි අතරේ 

තැලී පෙලී මියැදෙන්න නොවේ 

සෙනෙහේ පුදන්නේ සෙනෙහෙ ලබන්නයි 

හිත රිදවා හඬවන්න නොවේ 

සඳ පායන්නේ හිරු නැති ලෝකේ

ඝනඳුර දුරු කරවාලන්නයි 

සෙනෙහේ පුදන්නේ අඳුරේ තනි වූ 

හිතකට එළියක් ලැබ දෙන්නයි 

ගායනය: ප්‍රියානි ජයසිංහ මහත්මිය

සැදී රන් අභරනින්

සැදී රන් අභරනින් 

රිදී සළු පිළි දරා

නැගී රිය පෙරහරින්

පැතු පෙම් ලොව දවා

මනාලිය වී ලඳේ 

ගියත් ඔබ ඔහු කරා 

මගේ හදවත ඔබෙයි

මගේ දිවි ඇති තුරා

අදින් පසු සිත ඔබේ

අහිමි වන බව දනිම්

යලිදු අප දිවි තුරා

නොයෙන බව යලි දනිම්

ඔබෙන් ලද සෙනෙහසේ 

සුවය නිති විදින්නම් 

සසර මතු බවෙක හෝ

සුරත ඔබෙ පතන්නම්

මුල් ගායනය: මිල්ටන් මල්ලවආරච්චි මහතා

නව ගායනය: එරංග මහතා

මගේ හිතේ ඔයා කෙරේ

ඔබ සොයාලා කකියනා නෙතේ ඉවසුමක් නැතුවා

හද හඬාලා වැළපෙනා දිනේ ඔබ යලිත් දැනුනා

ආයේ නොඑන්න මා ගියත් පාළුවේ දමා

මාගේ සිනා පාවුනා ඈත ගියදා එදා

මගේ හිතේ ඔයා කෙරේ යලි ආදරේ පිරිලා

ඔබේ නෙතේ තියා හැඬු වේදනා දැකලා

හෙමිහිට මාගේ නෙතුළඟ කඳුලැලි රූරාලා

හැමතැන වාගේ ඔබේ රුව මැවි මැවි පායාලා

වෙන්වුනත් මේ වාසනාවෙන් මා දුකක් දීලා

ඉන්න බෑනේ පාලුවෙන් නම් සෝ තැවුල් ඉවසා

මගේ හිතේ ඔයා කෙරේ යලි ආදරේ පිරිලා

ඔබේ නෙතේ තියා හැඬු වේදනා දැකලා

ඉඳහිට ආයේ හමුවෙලා දොඩමලු වී මා හා

ඉමු පෙර වාගේ සැනසිලා මදකට ලං වීලා

කවුරුවත් නෑ මේ තරම් නම් ආදරේ දීලා

යන්නේ නෑ මං හීනෙකින්වත් තාරුකා සොයලා

මගේ හිතේ ඔයා කෙරේ යලි ආදරේ පිරිලා

ඔබේ නෙතේ තියා හැඬු වේදනා දැකලා

ගායනය: ශෙහාන් කෞෂල්‍ය මහතා

මනමාලයි ආදරෙත් නුඹ තරම්

පාවෙලා කෝඩු ආකාසෙ නැවතෙමින්

ජීවිතේ හීනයක් මම දෝ කියන්

හෙමි හෙමින් නැවතිලා තව හිතුවොතින්

ඇත්තමයි නුඹ මගේ අහසම තරම්

කවිකාර හීනෙ ලගින්

දඟකාර කම් හිත තියන්

මනමාලයි ආදරෙත් නුඹ තරම්

මනමාලයි ආදරෙත් නුඹ තරම්

නිදි වරන හීනයේ මතකය දිගේ ගිහින්

සෙනෙහසට ගැඹුරක් එක්කරන්  ඔය නමින්

නුඹ දුන්නු ආදරේ අරුත සොයනා සිතින්

තව නුඹට ලංවුනා හුස්ම වැටෙනා දුරින්

නුපුරුදුම ආදරේ එක හිතට යා කරන්

නවතින් හදවතේ හිතුමතේ දුර ගිහින්

ඉකිබින්ද ජීවිතේ තනිකම මැකී ගිහින්

තව ඉඩක් නෑ හිතේ නුඹට දුන්නා තරම්

ගායනය: සමිතා මුදුන්කොටුව මහත්මිය

ආයෙත් හඬන්න

ආයෙත් හඬන්න කඳුලක් උනන්න

ඇයි අපි මේ හමුවන්නේ 

හිමිනැති ඔයාව හිත යට තියාන දුක් විඳලයි හිත හැදුනේ

ඔබ හිනැහෙන්න ඔබේ රජ දහනේ

මං තමත් මගෙ තනි හීනේ

දුප්පත්කමට නෑ හිමි ප්‍රේමේ

එකයි මං ඔබෙන් වෙන් වෙන්නේ

අඬම්බර රුව දැකලා සිත ආයෙත් උමතුවෙලා

සඟවන්නට බෑ කිසිදා පුංචි පෙම්පත් කතා 

අපේම ලොවේදි අපි මුණගැසෙවි සිතමින් පෙම් කරලා

ඔබ දුර ඇදේවි මං ඉකිබිඳිවි

අපි ඈතයි සැමදා

සදාතනික පෙම පතලා තනිකඩ සිත මුලාවෙලා

ඇති නැති දුර දුරක තියා සත්තමයි පෙම්කලා

අපේම ලොවේදි අපි මුනගැසේවි සිතමින් පෙම් කරලා

ඔබ දුර ඇදේවි මං ඉකිබිදිවි

අපි ඈතයි සැමදා

ගායනය: තීක්ෂණ අනුරාධ මහතා

මායම් තරු රෑනේ

මායම් තරු රෑනේ බැල්මෙන් මිදී

පායන් ආ සඳටයි බැදුනේ වෙලී

රෑනෙන් මිදුනා මා නැ අත් බැදී

මා නම් අද ඉන්නේ ප්‍රේමේ ගිලී

සීතාවියක් හින්දා රෑ නෑ නිදී

ඔබ හින්දයි තවමත් මා මග බලමින් ඉන්නේ රැඳී

කවදාවත් රිදවන්නෑ හිමිවේනම් උන්මාදිනී

පාඩම් පොතේ සුවඳ අකුරින් ලියා දුන්

උන්මාද ගීතේද ගැයුවේ ඔයා

ඒ පොත් කොනේ ලියුව හසුනත් ඔයාටයි

මේ පෙම් හැගුම් නැද්ද දැක්කේ ඔයා

හැමදාම නෙතු කීව ඒ පෙම් කතාවේ

හිතවත් කමක් නේද දැනුනේ කියා

කවදා ද ඉටුවන්නෙ මේ ප්‍රාර්ථනාවන්

දුක් ගින්දරේ හීන ඇවිලී ගියා

මල්හීන හිත බැන්ද කිරිකෝඩු කාලේ

එක හිනයක් ගාව මම නැවතිලා

තරු වාගෙ දිලිහෙද්දි පොඩි ඇස් ඔයාගෙ

බෑ දැන් කියාගන්න හිත ගොළුවෙලා

දැනගත්ත‍දා ඈත වෙන්වී ගියෝතින්

හැමදාම විදවන්න මා මෙහි තියා

නොකියාම ඉන්නම් මගේ ප්‍රාර්ථනාවන්

මිතුදම් හොදයි අහිමි වෙනවට වඩා

ගායනය: අමල් පෙරේරා මහතා

මගෙ සුරතෙ දිවුරා

මගෙ සුරතෙ දිවුරා මගෙම හිස සිඹලා

ඔබම මගෙ කීවා ලොවම සුබ පැතුවා

ආදරේ සිතුවමක්දෝ කඳුලකින් අඳිනා 

ජීවිතේ මට නොතේරේ තේරුමක් තියෙනා

සිත් බැන්ඳ නෙත් කැල්ම සඳ කින්නරී 

කොයි යන්නෙ සැඟවී ඔයා 

ඔය දෑස දැක ගන්න උන්නේ බලා

ආදරය පාවි ගියා

සිත් බින්ඳ නෙත් කැල්ම රන හංසනි 

ඇයි යන්නෙ ලතැවුල් මවා

ඔබෙ දෑත රැක ගන්න නැතිදෝ වරම් 

ආදරය වියැකී ගියා

ගායනය: රකිත වෙලන්ගොඩ මහතා

ස්නේහයේ නගරයයි සිත මගේ

ස්නේහයේ නගරයයි සිත මගේ

මාවතක් හෝ නොවූ රාගයේ

වන්දනාවේ ගිහින් එන්න ආසයි මටත්

කොයි ඉසව්වේද ඒ මෙත් පුරේ

යෞවනේ නිල් නුවන් සේ රැඳී

රන් මලක් වේද හද සල් වනේ

නෙත් පහන් දල්වලා  සිත් සඳුන් දුම් දවා

රන් සිනා පාමි පූජාසනේ

මේ නවාතැන් ගෙවා ආත්මයේ

යනතුරා මිලින වී මතු දිනේ

සෙනෙහසේ සිහිලමින්  දොවන සේ යදිමි මං

පූජනීයයි උතුම් ආදරේ

ගායනය: අමරසිරි පීරිස් මහතා

අවසන් ලියුමයි ඔබට ලියන්නේ

අවසන් ලියුමයි ඔබට ලියන්නේ

විරහා කඳුළු රැඳි පෑනෙන්

කියවා හැඬුවත් මට නම් කම් නැ

මගෙ හිත අද තද නින්දේ

එයා පැලැන්දූ මංගල මුදුවේ

ආඩම්බරකම මම දුටිමී

ගෙල වට කරගන ළමැදේ ලගිනා

මංගල මාලය මම දුටිමී

අබරණ අන්දන රන්වන් ඉහිලු

සදාතනික ආදරය නොවේ

කියවා හැඬුවත් මට නම් කම් නැහැ

මගෙ හිත අද තද නින්දේ

පෑන තවත් දේ ලියන්න කීවත්

මොනවා ලියන්නද මීට වඩා

මේ ගැන අන් කිසිවෙකු නැහැ දන්නේ

වෙන දීගෙක ගිය ඔබට වඩා

ගායනය: සතිෂ් පෙරේරා මහතා

පුරමී පාරමී

පුරමී පාරමී පතමී හැම භවේ 

ඔබගේ පුතු ලෙසේ 

සසරේ රැඳෙන සේ

චන්ද්‍ර මණ්ඩලේ අනන්ත තාරුකා ඉමේ

මං මුළා නොවී ඉඳින්න මං කියූ පියේ

උදා හිරු වගේ මගේ ලෝකයේ තිමිර නැසූ

පියාණනේ ඔබේ පාද වන්දනා කරම්

කල්ප වෘක්ෂයක් වගේ නොසෙල්වි සෙවණ වූ

සෙත් කවක් සෙ දුක් නිවාල සිත් පහන් කෙරූ

මහා සාගරේ වගේ ආදරේ නිමා නොවූ

පියාණනේ ඔබේ පාද වන්දනා කරම්

ගායනය: රකිත වෙලන්ගොඩ මහතා

උන්මාද සිතුවම්

උන්මාද සිතුවම් මැවී බිඳේ

මීදුම වලා මැද අතීතයේ

බිඳුණු පෙමින් ගිණිගත් හදවත්

තනිවේවි එක්ටැම්ගේ

අනන්ත සයුරේ බියකරු දිවි දියඹේ

පාළු හුදකලා සුළඟ පමණි උරුමේ

හඞා වැටෙන සිත සදා සරණ මට

තනිවේවි එක්ටැම්ගේ

දහසක් මල් මැද එකම මලයි පැතුවේ

එ මල කිමද සරදම් කර සැඟව ගියේ

දැනේ තවම මට මලේ සුවඳ පොද

තනිවේවි එක්ටැම්ගේ

ගායනය: ගුණදාස කපුගේ මහතා

තනිකම හුරු දෙනෙත පුරා

තනිකම හුරු දෙනෙත පුරා 

උනු කඳුලැළි රුරා ගියා 

ඔබ නෑ නෙත් මානේ 

හමුවේවිද ආයේ 

සිතු පැතුමක කඳුලු තියා 

මට නොකියම ඉවත ගියා 

හිමි දුක පිසදමමි කියා 

සමනළියක් තුරුළු උනා

මහදේ ගලනා 

මේ දුක තාම ඔබ දන්නෙ නෑ 

මේ දුක තාම ඔබ දන්නෙ නෑ 

තනිවුනු දුක මගෙම වෙලා

දින එක එක ගෙවිලා ගියා 

ඔබ ආවත් සිනහා වෙලා 

මගෙ හිත සනසන්න කියා

මහදේ ගලනා 

මේ දුක තාම ඔබ දන්නෙ නෑ 

මේ දුක තාම ඔබ දන්නෙ නෑ 

ගායනය:  උදය ශ්‍රී වික්‍රමසිංහ මහතා

විත්ති කූඩුවේ

විත්ති කූඩුවේ දෙපසක උනුන් නෙත බලා 

ලොවට ඇසෙන්නට මන් ගැන වැරදි පවසනා 

හිතා ගන්නවත් බැරි ලෙස කියයි නුඹ මුසා 

තාම නුඹ මගේ සොඳුරයි පනට සම වෙනා 

මතක නැති උනේ නුඹටයි අපේ අතීතේ 

එදා මන් පැලඳු මුදුවත් තාම නුඹ අතේ 

කාටවත්ම නොකිය දුක වහන් කර නෙතේ 

මැරි මැරි උපදින මන් ගැන මන්ද නොසිතුවේ

නොහොඳ නොක්කඩු ඉඳහිට ඇති උනත් අපේ 

බිඳක් වත් සෙනේහෙ වියැකුනෙ නැනෙ මගෙ සිතේ 

කියන්නට නොගුන නුඹ ගැන දිරිය මට නොවේ 

ගෙදර යමු සොඳුර නොකියා වැරදි අපි අපේ

ගායනය: අසංක ප්‍රියමන්ත පීරිස් මහතා

මේ මල් යායේ

මේ මල් යායේ මා හා එක්වීලා

ඈ පෑ සිනා ළංවෙලා

රෑ තරු වාගේ නිවුණා මැළවීලා

මා දෑසේ දී වේදනා

මා දෑතේ වෙලිලා එදා

රෑ සීතේ සඳපානේ පියනැගුවා

ඒ චායා සිහිනේ යාවී

ඈ මාගේ නෙතු දෑලේ දුක සෑදුවා

සෝ ගීතේ සවනේ යාවී

මා ලොකේ තනිවූ සේ මට හැඟුනා

ඈ මා හා පෙරදා මැවූ

ඒ මායා මීදුම් සේ දුර ඇදුනා

මුල් ගායනය: එඩ්වඩ් ජයකොඩි මහතා

නව ගායනය: ජූඩ් රෝගන්ස් මහතා

රත්තරන් ප්‍රාර්තනා

රත්තරන් ප්‍රාර්තනා ඈත සුන් වී ගියා 

ආදරේ චාරිකා නිම උනා නෙත් තෙමා 

ආයෙ කවදා දකිම්දෝ ඔබේ පෙම් සිනා 

ගංඟා තලාවේ වැතිරී හිඳන් 

ලන්වී මගේ කනට රහසින් කියා

ඒ පෙම් කතාවන් සුලඟේ පාවී 

රහසක් අපේ ආදරේ

සැඟවවී හිදින්නම් එනමන් බලා 

තනිවී හඬන්නම ඔබේ නාමයෙන්

දෙගුරුන් නිසා නම් අප වෙන් උනෙ 

අහිතක් නොවේ මා සිතේ 

මුල් ගායනය: රෝයි පීරිස් මහතා

නව ගායනය: තීක්ෂණ අනුරාධ මහතා

අශා නිරාශා මැවූ

අශා නිරාශා මැවූ 

ඈ ස්වප්න මායාවකී 

ස්නේහේ ගඟුල්

ප්‍රේමේ තැවුල් 

මැවූ ඉන්ද්‍ර ජාලේ ඇයයි  

දවාලන්න පෙම් මාරුතේ

ඇයයි ලන්ව ඉන්නේ සිතේ

නිවාලන්න දුක් ජීවිතේ

ඇයයි නිල්ල මල් මාවතේ

දිවා රැයේ මා ලඟයි

මගේ අරුම පෙම් අංගනා

නෙතේ හැන්ගි හැන්ගී ඉඳී

හිතේ ස්වර්ණ යානේ නිදී

මුවේ මන්ද හාසේ දිදී

මගේ නින්ද ආයේ බිඳී

දිවා රැයේ මා ලඟයී

මගේ අරුම පෙම් අංගනා

ගායනය: වික්ටර් රත්නායක මහතා

හිතින් මා නොසැලී

හිතින් මා නොසැලී හිඳිද්දී

කඳුල නුඔ ඇවිදින්

නිවා දැමු ඒ නෙතේ පීඩා 

නොබිඳිනූ මැනවී

තනිව මා හඬනා වෙලාවේ

සැලි සැලී සීතේ

වැටුනු මහ වරුසා මතක් වේ

නුඔ රැඳි දෑසේ

තවම මා නොදුටූ සිනා කැන්

හමුනොවූ යාමේ

කඳුල මට කරුණා කරන්නැයි

අයැදිමී නිබඳේ

ගායනය: ටී.එම්.ජයරත්න මහතා

හිමිනැති පෙමකට

හිමිනැති පෙමකට ඉකිබිඳ හැඬුමට

සිත මගෙ බොළඳ වෙලා

අන්සතු හදකට පෙම්කල වරදට

ලොව මට එරෙහි වෙලා

කියාගන්න මට දහසක් දේ ඇත

මතු දවසක ඔබ හා තනිවී

හමුවන්නට බැ උකුසු වෙසින් ඇත

නෙතු දහසක් අප වෙත යොමුවේ

කිරිල්ලියක ලෙස ඉගිලී එන්නට

සිතේ අත්තටු නැතද ලැබී

වරම් නොවේ මට ඔබ හමුවන්නට

ඈතින් ඉඳ හිනැ‍හෙනු මැනවී

මුල් ගායනය: මාලනී බුලත්සිංහල මහත්මිය

නව ගායනය: නිරෝෂා විරාජිනී මහත්මිය

හිංසා කරන්නේ

හිංසා කරන්නේ වෙන්වී ගිහින් 

මාගේ අතින්වූ වරදක් කියන් 

හැන්ගී වසන්තේ මාගේ ලොවින් 

කඳුළක් නැගෙන්නේ නෙතටත් හොරෙන් 

බොඳ වීලා පැතුසේයා රිදවාලා සිත පාරා

සැඟවී ගියාට රිදවා ගියාට සැමදා ඔයාම ඕනා 

සසරේ පුරාම මතකේ තියාන

සෙනෙහේ මවන්න ඕනා

මැවී පේන හීන ගානේ ඉඟියෙන් කෝල පෑවා 

ළයේ ගෑවි ගෑවි වාගෙ සිතුවම් වීලා ආවා

රැඳී පාව යාවී ඈතේ රැඳුනත් මාව දාලා 

ඔබේ දෑස සිහිව ආයෙ හැඟුමන් රෑන පාරා

ගායනය: කවීෂ කවිරාජ් මහතා

පෙම් ස්වර්ණ ජීවිතේ

පෙම් ස්වර්ණ ජීවිතේ

පෙම්වන්ති මා ඔබේ

ඔබ හිත ඇඳි පිළිරූ මගෙ පිළිරූ

මැකුනිදෝ කෙසේ

අමතක වීදෝ කොහොම වුණාදෝ

මා ඔබ ළඟටම වී උන්නා

සුලැඟිලි පටලා ඔච්චම් කෙරුවා

පොඩි උන් වාගේ අපි දෙන්නා

මට දෙවියන් දුන් ඒ පඬුරු සුපෙම්

ලේ කඳුලින් දිව්රා

ඔබටයි මා පිදුවේ

ඔබ මගෙ සුරතල් සිඳංගනාවී 

මා හිස සිඹිමින් ඔබ කීවා

ජීවිතයෙන් හෝ පූජා දී මා

ළං කර ගන්නා බව කීවා

අපරාජිත යැයි කී පෙම් සටනින්

පැරදුනිදෝ කුමරෝ

අසරණ අපි දෙන්නා

ගායනය: මහේෂිකා ලක්මාලි

සිත මගෙ රිදුනා

සිත මගෙ රිදුනා ඔබ හැර ගියදා

ඔබ මා හැර ගිය දා

නෙතු මගෙ හැඬුවා මතකය ගෙන ආ

ඔබෙ ආදරෙ සොයලා

ඔබ මා නමින් ගෙන ආ පැතුම් බොඳ වී ගිහින් මේ සිත බිඳී

ඇයි හැර ගියේ මගෙ ආදරේ

ලඟ නැති ඔබෙ පෙම මතකෙට එනවා

ඔබ යලි එයි සිතිලා

ඔබේ සිතුම් ඔබේ හැඟුම් ලඟ මම

හදේ මැවූ ලොවේ තැනූ සිහිනය

කොහේ ගියේ මෙසේ වෙන්වෙලා

ආදරේ බිඳ දමා 

මගේ වෙලා මගෙන් ඔයා ඉනු මැන

ළඟින් මගේ සිතින් රැඳී ඉනු මැන

ඔබේ නමයි හදේ ගැහෙන්නේ

ඔබට මා ආදරෙයි 

ගායනය: දමිත් අසංක මහතා

තහනම් ගෙයි මලකින්

තහනම් ගෙයි මලකින් මල් සුවඳ ගත්තට 

සමාවෙන්න නොසිතා සිදුවෙච්ච වරදට 

ආදරේට සාප නොදී දවස තිස්සෙම 

සමාවෙන්න මට ඒ පව නිවා ගන්නට

එකම වරද මගෙන් වෙච්ච මතක් කර කර 

හදවත රිදවන්න එපා ඉතින් තව තව 

කඳුලු පොකුරු මල් රඳවා නුවන් දොරකඩ

උහුලන්නට බැරි දඬුවම් එපා මෙච්චර 

නිදි යහනෙ ඇතින් වේදනා විඳ විඳ 

හිටියා ඇති අමනාපව සොඳුර අඬ අඬ 

සමාවෙලා වරදට දරුවන්ගෙ නාමෙට 

පමා නොවි හිනා වෙන්න හදාගෙන හිත 

ගායනය: ඉඳුනිල් අඳ්‍රමාන මහතා 

තහනම් කල සෙනහස

තහනම් කල සෙනහස තහනම් නැ ඇස් අරින්න 

සුදු දුව මේ අහන්න මෙ කැඳ උගුරවත් බොන්න

සාඩම්බර පරපුර මට බැ අමතක කරන්න 

මන් අවසර දෙන්නම් ටජ් මහලක් හදා ගන්න

වසන්තය නුඹෙයි මගෙ නොවෙයි

ඔය සෙනේහය නුඹෙයි මගෙ නොවෙයි 

අනන්තයට විහිදි ඇත මිදුළු පුරා කකියන 

දරු සෙනේහය මගෙයි නුඹෙ නොවෙයි 

පැතුම් පොදි මගෙයි නුබේ නොවෙයි

ඔය පෙමින් තොර ලොවක් නුඹට නොවෙයි

උපන් දා පටන් නුඹ ඇස් පියා ගන්න තුරු යලි මම 

නුඹෙන් තොර ලොවක් මටද නොවෙයි

ගයනය: අසංක ප්‍රියමන්ත පීරිස් මහතා