ලා දළු බෝ පත් සෙමින් සැලෙන සේ

ලා දළු බෝ පත් සෙමින් සැලෙන සේ

යශෝදරා දේවී වාවනු බැරි තැන රහසේ හැඬුවා

පෙර සංසාරේ ඇසුර මතක් වී

ලේන කුලේ සිට ආගිය මග තොට

සිටියා නොසැලෙන පහන් ටැඹක් වී

නිවන් දකින තුරු මේ සංසාරේ

පසු පස ආවා සෙවනැල්ලක් වී

තැලී සෙනේ සිත සැලී හඬන විට

වැටී දෙපා ලඟ යශෝදරාවෝ

පිපී නිවන් මල් සාධුකාර දී

නිවී පහන් විය උදෑසනක් සේ

ගායනය: කරුණාරත්න දිවුල්ගනේ මහතා

පෙම්වතුන් සිනාසේ

පෙම්වතුන් සිනාසේ අප කඳුළු සලන්නේ

දෙතැනක හිඳ තනිවී විසඳුම් සොයනු කෙසේ

මා තුරුලේ හිඳිනා උනුසුම් යහනාවේ

ඉකිබිඳිමින් හැඬුවා මතකද ගංතීරේ

මගෙ ලොව ඔබවේ නම් සැකයෙන් ඇයිද මෙසේ

ඔබ මිස වෙන සතුටක් කොයිබද මියුලැසියේ

මල හිරු බැස යද්දී සඳු පායා ඒවී

අළුත් ඉරක් පායා හෙට දිනයක් ඒවී

අද ශෝකෙන් වෙලිලා යහනේ සැතපේදෝ

අරුනළු උදාවෙලා මුව විකසිත වේදෝ

ගායනය: ප්‍රින්ස් උදය ප්‍රියන්ත මහතා