කඳුපාර ඈත අයිනේ

කඳුපාර  ඈත අයිනේ 

සඳ රෑට ඈ සිනාසේ

වේදනා සිතාරයේ ඒ 

ගීත රාවේ ඇසේවා

ජීවිතේ පුරා

යාලු වී දෙවටේ එදා 

 කී කතා අසා

පාළු වී හැඬුවා 

සදා මාරුතෙ පවා

ගං ඉමේ මාදං කැලේ 

පාසලේ පුරා

මා සොයා අවා වගේ 

වෙන් වෙලා ගියා

ගායනය: මිල්ටන් මල්ලවාආරච්චි මහතා

ආදර මල් වල...

ආදර මල් වල... පාට කියන්නද..

ඒ වගෙ ලස්සන.. තව නෑ//

මීදුම් පිනි පොද... දෑස වසන් කර..

සමනල් සිහිනය... පිපුනා...//

දේදුනු රැ..ක... දෑසම තවරා.....

තවමත් මල් සිත.... බලා සිටිනවා....

මීදුම් තවරා සුළඟට... ඈතක සඟවා තුන් සිත..

දෑස හොරෙන් ඈත.... සොයනවා...

අඳුර මැදින් එන්න සඳලියේ....

දේදුනු සායම.. දෑසින් බොඳකර...

මාලති යායක.... හැලිලා...

සීතල හිම කඳු... යායක පිය මැන..

දෙව්ලිය සිහිනෙට වැඩියා...//

ගායනය: කසුන් කල්හාර මහතා 

දවසක් දා... හැන්දෑවක

දවසක් දා... හැන්දෑවක

පොතක් බලන්..නට සිතුනා 

හිතුවෙත් නෑ... ඒ ජාමෙට 

ඔබව මතක්..වෙයි කියලා 

ඈ මගේ ගතේ හැඟුමන් පෙලා 

ඈ මගේ සිතේ සක්මන් කලා 

මා දිහා බලා සුසුමන් සලා 

ආදරෙයි කියා නොකියා ගියා 

කියා පොතේ ලියවී... තිබු ..නා

රේණු රේණු මල් මිටේ රේණු 

ඈට පෙම් කරන්න මට බෑ ලූ

රන් සමනල තටු මට ලැබෙන්නෙ නෑ ලූ.....

රොන් පීරී සැලෙන්න..න මල් රේ..ණූ

සද වත දෝ.... මා දුටුවේ....

ඔබෙ ගත දෝ.... මා දුටුවේ....

සිතුවම් දෝ.... මා දුටුවේ....

හැබහින් දෝ.... ඔබ දුටුවේ..

ගායනය: රූකාන්ත ගුණතිලක මහතා

මේ ගඟ මේ දුරු කතර ගෙවා

මේ ගඟ මේ දුරු කතර ගෙවා

ඇයි මෙතනින් සයුරේ වැටුනේ

මේ හැටි දුර පියමං කරලා

ඇයි මම ඔබ ලඟ නතර වුනේ

මේ විල මේ නිල් දියෙන් පිරී

ඇයි මේ මල විල මත පිපුනේ

මා හද විල පතුලෙන් මතු වී

ඇයි ඔබ ආදර මල පිපුනේ

මේ විස කටු ගස ලඟ ඉපදී

ඇයි මේ මල් වැල එහි එතුනේ

ගිලිහී යන්නට ඔබේ සුරතේ

ඇයි මගේ මේ අතැඟිලි බැඳුනේ

ගායනය: නිරන්ජලා සරෝජනී මහත්මිය

මං මුලා වී පාර හොයාගෙන

මං මුලා වී පාර හොයාගෙන

අසරක් අසමින් යන ගමනේ

මං මුලා වූ සමනලියකගෙනි

පාර අසා තිබුනේ

ඇයත් නොදන්නිය ඇය යන මානය

උන් හිටි තැන් මතකය අඩමානය

පාර කියන්නේ කෙලෙසද මා හට

ඇයටද පාරක් ඇති නැති ගානය

අප හමු වූයේ මන්දැයි නොදනිමි

පාර ඇසූවේ ඇයි දැයි නොකියමි

අපේ ගමන අද නවතනු හැකි නම්

අප යන ගමනද අද මෙතැනින් නිමි

ගායනය: විශාරද ගුණදාස කපුගේ මහතා

වලා තීරයෙන් එහා

වලා තීරයෙන් එහා

කොහේද ලෝකයක්

සොයා ඇදෙම් පැතුම් බිඟුම්

අපේම ලෝකයක්....

තරංගයක් ලෙසින් අඳි

බිදී නොයන් සිතින්

වසන්තයක් ලෙසින් උදාව

එන්න ජීවිතෙන්....

සිහිල් සහන් සුසුම් සරින්

පවන් රොදක් ලෙසින්

නැවුම් පැතුම් අරන් වඩින්න

පෙම් උයන් දොරින්....

ගායනය: ටි එම් ජයරත්න මහතා

සංසාර පුරුද්ද

සංසාර පුරුද්ද ද මේ මෙ හමුවීමෙ අරුමේ 

හිම නොවනා බව දැනුනත් වෙන්වීමක් නොමැති

සමරු  සයුරකි ආදරේ මියුරු රහසකි ආදරේ 

හිම නොවනා බව දැනුනත් වෙන්වීමක් නොමැති

තුන් හිතකින් වත් නොසිතු එක බැල්මෙන් පැතුම් පැතූ

දෛවය පෙන්වු පරිදි හමු වීම අහම්බයකි 

හිමි නොවනා බව දැනුනත් වෙන් වීමක් නොමැතී

සමරු  සයුරකි ආදරේ මියුරු රහසකි ආදරේ....

සංසාර පුරුද්ද ද මේ මෙ හමු වීමෙ අරුමේ   

හිම නොවනා බව දැනුනත් වෙන්වීමක් නොමැති

සමරු  සයුරකි ආදරේ මියුරු රහසකි ආදරේ....

ගායනය: දිනේශ් සුබසිංහ මහතා / අමල් පේරේරා මහතා

රුවක් ඇදෙනවා කවුදෝ එනවා

මීවිත ඇඳිරිය දෑස වසනවා

හද පොදි බැදි දුක දියකර පා කර

ඔබේ ලොවට මා මොහොතින් එනවා...

සොදුරු යොවුන්විය මල් මඟ මුල හිද 

කිම තොල මීවිත පොඟවන්නේ...

නුරා විරහ ගිනි නිවා දමන්නයි

සුරා විතින් මා දෙතොල තෙමන්නේ

නැගුනු නුරා ගිනි මිනි පොද වැටිලා

හතර අතින් දළුලා එනවා...

අවන්හලේ මීවිත තනිකරලා

වරෙන් මලේ පියවර නගලා..

ගායනය: විශාරද ගුණදාස කපුගේ මහතා / කරුණාරත්න දිවුල්ගනෙ මහතා

තරු පිපෙන පාළු රාත්‍රියේ

තරු පිපෙන පාළු රාත්‍රියේ

ගීතයක් වගේ මගෙ හදට

කොඳුරලා කියයි ආදරේ අගේ

සුවිසාල සාගරේ තරම් ආදරේ පැතුම් 

නෙලාගන්නහද උයනින් ආදරේ කුසුම් 

සඳ සොඳුරු සිත්තමක් කලා ආදරේ අපේ 

මකන්න එපා ඒ ලස්සන සෙනෙහෙ සිත්තමේ 

ගායනය: අසංක ප්‍රියමන්ත පීරිස් මහතා

තරු පිපුණු ඝන අහස මම නම් 

ඒ අහස පුරා හඳ වෙන්න සුදු රුවනි 

වැසි නොවට මාරු කතර මම නම් 

ඒ පොළොවේ දිය බිඳුව වෙන්න සුදු රුවනි 

හද පෙලන චණ්ඩ රළ මම නම් 

ඒ නදියේ නිසල දිය වෙන්න සුදු රුවනි 

ප්‍රේමයෙන් අහිමි හද මගේ නම් 

ඒ හදට ආදරය දෙන්න සුදු රුවනි

නෙතු පෙලන කැල්මේ සිනා සඳ පානේ 

ඔබ ඇවිත් මගේ ලඟින් ඉන්නවා වගේ දැනේ 

ඒ බලන බැල්මේ හදක හසරැල්ලේ 

අපි හදින් බැඳුන වග ලෝකයා නොම දනී 

ජීවිතය අතරේ ආදරය නැවතී 

පෙම් කවක් සදාතන හදට කොඳුරාවී

මේ ගී ගායනා ආල හද වේදනා 

මහා බඹුන් හෙට දිනේ අප නමින් ලියාවි

ගායනය: ජගත් වික්‍රමසිංහ මහතා

ඔබට සිත ආදරේ කරයි

ඔබට සිත ආදරේ කරයි

දෙතොල ගොළුවී සිටි

නැගුණු සෙනෙහේ කියනු බැරි වී..

මගේ සිත වේදනා විඳි..

ලවන් හසකැන් නුවන් කැල්මන්

හොඳින් හදුනන්නෙ ආදරේ

නුවන් රැහැනින් බැඳෙන්නට පින්

නොමතිදෝ මා කෙරේ..

මගේ විජිතේ සිනා නොමැතේ

විඩාපත් වේද ජීවිතේ..

ඔබේ ඇසුරේ ඔබේ සෙවනේ

නවාතැන් වේද මා වෙතේ..

ඔබේ පෙම්ලොල් හදේ නොකැලැල්

ලැගුම් සොයමින් නුවන් අයා..

යොවුන් බිඟුදැල් හෙලු හසරැල්

මසිත සුසුමන් දවා ගියා..

ගායනය: දයාරත්න පෙරේරා මහතා

සුපෙම් හැඟුම් ඔබෙන් එපා

 සුපෙම් හැඟුම් ඔබෙන් එපා
මිතුරු දම් විනා
නෞකාවකි ඔබ ඈත සමුදුරේ
මා පහන් ටැඹයි මෑත ගොඩබිමේ

තරු එළියෙන් රුදු රාත්‍රි කාලයේ
දැඩි සිතකින් දුර ගමන යමි ඉතින්
කිසිදින අප හමු නොවන බව දනිමි
සිහිනය මිය යා යුතු ය මේ ලෙසින්

දිවයුරු සැඟවෙන මොහොතක තනිවී
ඉකි බිඳිමින වියරුවේ පාළුවෙන්
එය දසුනකි තනි සිතක නොමැකෙනා
නෙතු වෙහෙසුණි යළි දකින තුරු දුරින්

ගායනය : ලක්ෂ්මන් විජේසේකර මහතා /ප්‍රදීපා ධර්මදාස මහත්මිය

පෙම් කවක් ලියු ඔබ සිත් අහසේ

පෙම් කවක් ලියු ඔබ සිත් අහසේ

එය මකා දමාගිය හැටි රහසේ

නුබ මෙතෙක් රැදී හුන් මා මනසේ

පෙමු පුරාවතක් නිමාකරන්නද මා කෙලසේ

නුඹ යන්නම යන්නම යනවා නම්

මට ඉන්න කියන්නට බැහැනේ ඉතින්

යලි එන්නම එන්නම් හිතුනේ නම්

නුඹ එන්න එපා මගේ හිත තහනම්

හුරතලෙන් දැවටිලා මගේ ලඟින්

දුන් සතුට එපමණද මට පවසන්

සඳ එලිය පොළවටයි හිමි වුයේ

සඳ අහසේ රන්දුනාද රත්තරනේ

පෙම් කවක් ලියු ඔබ සිත අහසේ

ගායනය : කරුණාරත්න දිවුල්ගනේ මහතා

මා සුන්ඳර සිහිනයක් මැව්වා

 රැය පහන් කලා ඔබ ගැන සිතමින් මා හද උමතුවෙන්
නීල නුවන් දකිනා තුරු ඔබගෙ මා නෙත් අවදියෙන්
සොඳුරු ආදරේ මිහිර විඳින්ට අප සිත් එක් වේවි
අපේ ආදරේ උණුසුම ලබමින් එ සිත් සැන සේවි
පුන්චි සන්දියෙ සෙල්ලම් කල හැටි තවමත් මට මතකයි
වෙරළ දිගෙ ඟං ඉවුරු දිගෙ ඇවිදපු හැටි මට මතකයි
යව්වනියක වී ඔබ මා අතගෙන මෙ සැන්ඳැ යාමෙ
සොඳුරු ආදරේ මිහිර විඳින්ට මෙ සුමිහිරි යාමෙ
මා සුන්ඳර සිහිනයක් මැව්වා
අප වට කර සිහිනයක් මැව්වා
ඔබ මගෙ කර සිහිනයක් මැව්වා
  ප්‍රියාදරියේ....

ගායනය: නදීක ජයවර්දන මහතා

තනිවෙන්නට මගේ ලොවේ

තනිවෙන්නට මගේ ලොවේ පුරුදු පාළුවෙන්
 රැගෙන යන්න සොඳුරියෙ ඔබෙ සුවඳ මා ළඟින්.....

සිව් වසරක පෙම් ගීතය 

ගොළු වෙලා ගියා දෝ

අලුත් ලොවක ඔබ සතුටින් 

කිරුළු පැළඳුවාදෝ....

මායාවකි ප්‍රේමය මා හදවත රිදවූයේ

සෝ ගීයකි දුක් බර වූ

සැනසුම කොහි වේ දෝ....

 

ගයනය: වික්ටර් රත්නායක මහතා 

සිතින් පතා ඉන්නම්

සිතින් පතා ඉන්නම්

කුළුදුල් පෙම් පැතුමන්

සිතින් සිනා සෙන්නම්

ඔබගේ රූ මවමින්

කියාගන්න බැරි වදනක් ඔබ වෙත

මසිතේ පිරී ඇතේ

ඒ තුළ සැඟවුණු මිහිරි හැඟුම් වැල්

සිහිනෙන් පවා පෙනේ

සිහිනෙන් දකිනා අසිරිය ඔබගේ

හද තුළ සදා රැඳෙ

බැලූ බැලූ සැමතේ සිනා හඞ ඇසේ

ඔබගේ පි‍්‍රය මිහිරේ

ඔබ යනෙනා තැන මා ගත යනමුත්

ඔබ නැහැ එය තැකුවේ

ඉතින් කියන් ළඳ මා හට නැතිමුත්

කාටද ඔබේ සෙනේ

මා හට නැතිමුත් ඔබගේ සෙනෙහස

මා හද දිනූ ළඳේ

සිනා සෙන්න මට ඒ ඇති මතුවට

සනසා සිත මාගේ

  

ගායනය: කුමාරසිරි පතිරණ මහතා

මගේ හදවත හැඳින ගත් ඔබ

මගේ හදවත හැඳින ගත් ඔබ කියූ එවදන් මට එපා

මගෙම කියලා දෑතින් අල්ලා ආදරේ කිවු ඔබ එපා

සසර වසනා තුරුම ඉන්නට පැතුම් පැතු ඔබ මට එපා

මතු යළිත් ඔබෙ දෙනෙත් අබියස වැරදි හෝ හමුවනු එපා

ඔබ රකින්නට සැරසුනේ මා නා රජෙක් සතු මැණික මෙන්

ඔබේ පසු පස මනෙතු රැඳුනේ රකින්නයි ඔබ හැමදෙයින් 

එත් ඔබටම එපා වූ මා නැවත එන්නෑ ඔබ බලන්නට

රහසේ කුමරෙකු සිටිය ඔබ ගේ ඔහුව රැකු මැන සෙනෙහසින්

සැක කලේ මා සැර කලේ මා හදාගන්නයි හැමදෙයින් 

මගේ කියල මගෙම සිතලා ඔබට බැඳි ඒ ආදරෙන්

මටත් හොරා ඔබ තැනූ ලෝකය සවිමත් අතු දැන් බිඳී ගිහින්

ඉතින් ලං වෙනු එපා ඔබ මට නිම වෙනා තුරු මේ භවෙන්

ගායනය: කුමාරසිරි පතිරණ මහතා

සඳ සේ උදා වී මහදේ රැදී

සඳ සේ උදා වී මහදේ රැදී
සැමදාම සිටියෙ ඔබයි...
අප පෙම් කතාවේ දුක්‌ සෝක සංකා
මෙතැකින් නිමා වූ වගයි

කඳුලැල් සලාලා දුක්‌ නිබඳ විඳලා
සැදු අපගෙ පෙම් මාළිගා..
නැත විසිර බිඳුනේ සවිමත්ව වැඩුනේ
තිබු අපගෙ සෙනෙහේ නිසයි..

දෙයතින්ම අල්ලා අද එක්‌කව යන්නේ
සැමගේම සුපැතුම් මැදයි..
පිසගන්න කඳුලැල් හිනැහෙන්න මා හා
හැමදාම ඔබ මාගෙ දැන්....

ගායනය: කුමාරසිරි පතිරණ මහතා

ඔබ මා හමුවුන මේ ඉර හඳ යට

ඔබ මා හමුවුන මේ ඉර හඳ යට කොතැනක සිටියත් මා මළ දවසට
මගෙ ලඟ තනියට ඉනු මැනැවී, මගෙ ලඟ තනියට ඉනු මැනැවී.

ඔබ සිත මා සිත හමුවූ දා සිට, මා ළය පීදී පරවූ පෙම් මල
සිතින් තුරුළු කර මා මළ දවසට,
මගෙ ලඟ තනියට ඉනු මැනැවී, මගෙ ලඟ තනියට ඉනු මැනැවී.

කඳුළ සුසුම නොහෙලා නොදෙඩා අපි මිරිඟු සයුර වෙත පියමන් කල හැටි,
සිතින් දරාගෙන් මා මළ දවසට,
මගෙ ලඟ තනියට ඉනු මැනැවී, මගෙ ලඟ තනියට ඉනු මැනැවී.

ගායනය: කරුණාරත්න දිවුල්ගනේ මහතා

හදවත ඉල්ලා නොලැබුන විටදී

හදවත ඉල්ලා නොලැබුන විටදී

දහසක් සිතුවිලි මා හද තුල කැළඹී 

මිතුරියේ ඔබ කෙලෙසක හෝ අමතක කරමී 

නොපිරූ පෙරුමන් පුරලා කුමටද ලතැවී

ඔය නෙතු අග රැඳී තිබූ නිල්මිණි චායා 

දැක මා හදවත සසැලී සෙනෙහස කීවා

යලි අප උපදින භවයේ යලි හමුවේවා

ඔය නෙතු අග සිහිල දැනී මට ලං වේවා

ගායනය: ප්‍රියා සූරියසේන මහතා

අපි ආයෙත් හමු නොවුනා නම්

අපි ආයෙත් හමු නොවුනා නම්

ඉස්සර දවසක මියගිය සෙනෙහස 

යලි ඉපදී මා හද හඬවන්නට

අපි ආයෙත් හමු නොවුනා නම්

ඔබ නාදුනනා විරහ වේදනා පෙරදා වින්දේ මා පමණයි

හුඟ කලකින් හමුවී සෝ ලතැවුල් අදත් විඳින්නේ මා පමණයි

සමුගන්නට නම් අහිමි ආදරෙන් අයෙත් ඇයි අප හමුවන්නේ

ආදරයේ කඳුලින් මිය යන්නද ජීවිත ඉරණම විසඳෙන්නේ 

ගායනය: සෝමතිලක ජයමහ මහතා

දෛවයෝගයකින් නොවේදෝ හමුවුණේ අප හමු වුණේ

දෛවයෝගයකින් නොවේදෝ
හමුවුණේ අප හමු වුණේ
දෛවයේ සරදම් ලබන්නට
කිම මෙසේ අප හමුවුණේ

ඇදුරුතුමියයි ප්‍රේමයේ ඔබ
ඇදුරුතුමියයි යෞවනේ
ශෝකයේ රුදු වේදනාවේ
කඳුළු සයුරේ උල්පතයි

නඳුන් උයනයි ස්නේහයේ ඔබ
සඳුන් සිලිලයි ජීවිතේ
සොම්නසේ ආනන්දයේ
හසරැල් තරංගේ උල්පතයි

ගායනය: විශාරද වික්ටර් රත්නායක මහතා

නින්ද නැති රැයේ සඳ කඳුළු මීදුමේ

 නින්ද නැති රැයේ සඳ කඳුළු මීදුමේ

හැංගිලා අඬන්නෙ ඇයිද ප්‍රථම ප්‍රේමයේ

තාරකා දියේ ගිලී නිල් එළිය නිවේ

වැහි බිංදු වැටේවි රෝස පෙති කඩා හැලේ

කිළිපොළා සැලී යමින් නොහයිම් සීතලේ

තුරුළු වෙමි දෙනෙත් පියා ඔබගෙ උණුසුමේ

ජීවිතය ඉතින් අපේ සිහිනයක් නොවේ

හෙට උදේම අවදිවී යා යුතුව තිබේ

රැය ගෙවේ සඳත් නිවේ දුරයි ජීවිතේ

ඉතින් අවසරයි මගේ පුංචි කුමරියේ

කටුවලට දෙතොල් තියා මලක් නැති ගසේ

සිඹිමි එකම හාදුවයි සොඳුර ඒ මගේ

ගායනය: විශාරද ගුණදාස කපුගේ මහතා 

දවසක්‌ පැල නැති හේනේ

දවසක්‌ පැල නැති හේනේ
අකාල මහ වැහි වැස්‌සා
තුරුලේ හංගාගෙන මා
ඔබ තෙමුනා අම්මේ
පායන තුරු හිටි පියවර
හිටියා ඔබ අම්මේ

නුවර වීදි යට කරගෙන
නින්දා වැහි වැගිරුණදා
බිරිඳකගේ සෙනෙහේ ගියා
යෝද ඇළේ නැම්මේ
නුඹ සෙනෙහස සුවඳ දිදී
දැනුනා මට අම්මේ

කොළඹ අහස කලුකරගෙන
මුහුදු හුළඟ අඩලනකොට
ඔටුන්න බිමදා දුවගෙන
එන්නද එක පිම්මේ
මං එනතුරු ඉඳිකඩ ලඟ
ඉන්නවාද අම්මේ.......

ගායනය: විශාරද ගුණදාස කපුගේ මහතා

සිරියහනේ ලණු ඉහිරී සුසුම් හෙළන රෑ

සිරියහනේ ලණු ඉහිරී සුසුම් හෙළන රෑ
මකුළු දැලෙන් සිරි සිරියේ වියන් බඳින රෑ
යට ලීයෙන් නාරිලතා මල් පූදින්නේ....

ස‍ඳෙන් සඳට මුවා වෙලා කල දවසත් ගෙවී ගිහින්
නෙතට නුහුරු කඳුළු බිංදු පැදුරට මුහුවෙලා හොරෙන්
යට ලීයෙන් නාරිලතා මල් පූදින්නේ....

යහන තලා සැප හිඳිනා කලහී නැතුවා පෙර පිං
මාල වළලු නොතිබ් අයට අප අමතක වෙලා ගිහින්
යට ලීයෙන් නාරිලතා මල් පූදින්නේ....

ගායනය: විශාරද එඩ්වර්ඩ් ජයකොඩි මහතා 

සෙනහසක අරුතක් පුරවන්නට

සෙනහසක අරුතක් පුරවන්නට

අහසේ තරු ගැන්නා

වෙරළේ රළ මැන්නා

සීමාවක් මා ඉමක් නැතැයි කී

සෙනෙහස ඇයි දෙතැනක තනිවී

කැකුලක් සිදුලින් හදවත පිපුණූ

කඳූලෙත් කටුමත විස තිබුනා

බිඳුනොත් බඳුනක පිළියම් කරනට

බැරි කැලලක් මතුවී පෙනෙනා

පවකින් පෙර අත් භවයක සිදුවූ

සිතකින් සිතකට දුක පිරුණා

මගෙ අත දිගුකල හැකි හැම තැනදී

ඔබ අත මා දුරකින් තිබුනා

ගායනය: අසංක ප්‍රියමන්ත පීරිස් මහතා

නුපුරුදු ඔබ දුටු පළමු දිනේ

 නුපුරුදු ඔබ දුටු පළමු දිනේ
සුපුරුදු ලෙස දැනුනා
කෙදිනක හෝ විඳ පුරුදු ඇති
සුසුම් සුවඳ දැනුනා
දැනුනා මට සුසුම් සුවඳ දැනුනා...

පෙර කිසිදා ඔබ හමු වී නැති බව
ඉඳුරා කියත හැකි
හමුවී ඇත්නම් ඒ පෙර සසරේ
යුගයක වෙන්න ඇති

භවයෙන් භවයට පැතුමි පතා ගෙන
ඔබ මා ආවාදෝ
ඉසුරුමුණියෙ පෙම් දැහැන රකින්නට
අපි මෙහි හමුවීදෝ..

ගායනය: අසංක ප්‍රියමන්ත පීරිස් මහතා

සඳ කැන් වැසිලා

 සඳ කැන් වැසිලා.. අඳුරේ එතිලා..
ඝනඳුරු රෑ.. තනිකම නෑ..
සොයා එන්න ඝනඳුර, තරු නිවලා..
මගේ එලිය, අද ඔබ පමණි..

ජීවිතයම සතු එකම සුවේ..
හී සර පහරක වෙලෙනු පෙනේ..
මේ ලොව මා සතු, ඈ සතු වේ නෙතු,
අසල්වාසියෙකු සොයනු දැනේ..

මා නැත අන් සතු සිත් බිඳලා..
දෑතම බැඳගෙන හිඳිමි බලා..
මේ ලොව යම් දවසක අපි වෙන්වෙමු,
රහස් අහස් තලයට පවරා..

ගායනය: විශාරද වික්ටර් රත්නායක මහතා

මගේ ලොවට ඔබ සුලඟ වගේ ඇවිදින්

මගේ ලොවට ඔබ සුලඟ වගේ ඇවිදින්

කඳුළු තිළිණ කර නොකියම යන්න ගිහින්...

සවනට ලන්වි හිමිහිට කොඳුරා

ඔබේ සුරත මගෙ නළලෙ තියා

පැතුම් පැතූ හැටි සිහිවෙයි නිරතුරු

අපි එක සෙවනක හිඳිමු කියා......

සෙනෙහෙ බිඳුනු සිත සුවපත් කෙරුමට

ලොවේ නොමැත කිසි තැනක ඔසූ

ඔබේ නමින් නෙත පුරා හඬනු මිස

පෙම් නොකරමි මම මෙයින් මතූ

මගේ ලොවට ඔබ සුලඟ වගේ ඇවිදින්

කඳුළු තිළිණ කර නොකියම යන්න ගිහින්...

 ගායනය: දිනේශ් නානායක්කාර මහතා