පෙරදාක සුසුමක් හිත රැඳී

පෙරදාක සුසුමක් හිත රැඳී

සෙනෙහසින් පිදුවා මිහිරැතී

සංසාර ගමනේ දුර ඇතී

ගැඹුරුයිද ආදරේ මේ හැටී

හුරු පුරුදු ජීවිතේ තව

ඉගිලෙන්න හිතෙනවා නම්

හෙවනැල්ල වී දිවියේ

තුරුලේ රැඳී

කුළුඳුල්ම හීනයක් මේ

මහමෙර වගේ උස නම්

තවදන්නේ නෑ නුබත් මගෙ ආදරේ තරම්

තනිකඩ හිතේ නැවතිලා

පෙම් ඇරඹුමේ වැහි අරන්

නොමැකෙන්න සේ සෙනෙහේ

සිතුවම් ඇඳී

දුර යනෙන ජීවිතේ දිගු

හිමිකම නුඹේ ලග නම්

හිත පිරුනු ආදරේ උහුලන්න මේ තරම්

ගායනය: තීක්ෂණ අනුරාධ මහතා

දුක වැඩි තරමට

දුක වැඩි තරමට කඳුළු හෙලන්නට 

නෙත තවමත් විවර වෙලා

කවදාවත් හිමි නොවනට 

ඔබ මාගෙන් ඈත් වෙලා

හැඬවෙන නෙතගට තරවටු කෙරුවාට 

කඳුලැල් නෑ නතර වෙලා

හැමදාමත් රිදවන්නට ඔබ ගියෙ ඇයි ඈත්වෙලා

වෙනසක් නැහැ මගේ සිහිනේ 

තාමත් මල් පිබිදෙන්නේ

රැවටුන මේ හිත මා ගේ 

තනිවුනු බව නැහැ දන්නේ

උන් යහන පුරා විඳි සුවඳ පවා 

නැත දුක විතරක් ඉතිරි වෙලා

කදඳුලක් කඳුලක් ගානේ 

ඔය රුවමයි සිහි වෙන්නේ

මට නොලැබුනු ඔබේ සෙනෙහේ 

වෙනකුගෙ බව නැහැ දැනුනේ

ජීවිතය පුරා පැතු පැතුම් මකා 

ඔබ දුක විතරක් උරුම කලා

ගායනය: නොයෙල් රාජ් මහතා

ලා දළු බෝ පත් සෙමින් සැලෙන සේ

ලා දළු බෝ පත් සෙමින් සැලෙන සේ

යශෝදරා දේවී වාවනු බැරි තැන රහසේ හැඬුවා

පෙර සංසාරේ ඇසුර මතක් වී

ලේන කුලේ සිට ආගිය මග තොට

සිටියා නොසැලෙන පහන් ටැඹක් වී

නිවන් දකින තුරු මේ සංසාරේ

පසු පස ආවා සෙවනැල්ලක් වී

තැලී සෙනේ සිත සැලී හඬන විට

වැටී දෙපා ලඟ යශෝදරාවෝ

පිපී නිවන් මල් සාධුකාර දී

නිවී පහන් විය උදෑසනක් සේ

ගායනය: කරුණාරත්න දිවුල්ගනේ මහතා

පෙම්වතුන් සිනාසේ

පෙම්වතුන් සිනාසේ අප කඳුළු සලන්නේ

දෙතැනක හිඳ තනිවී විසඳුම් සොයනු කෙසේ

මා තුරුලේ හිඳිනා උනුසුම් යහනාවේ

ඉකිබිඳිමින් හැඬුවා මතකද ගංතීරේ

මගෙ ලොව ඔබවේ නම් සැකයෙන් ඇයිද මෙසේ

ඔබ මිස වෙන සතුටක් කොයිබද මියුලැසියේ

මල හිරු බැස යද්දී සඳු පායා ඒවී

අළුත් ඉරක් පායා හෙට දිනයක් ඒවී

අද ශෝකෙන් වෙලිලා යහනේ සැතපේදෝ

අරුනළු උදාවෙලා මුව විකසිත වේදෝ

ගායනය: ප්‍රින්ස් උදය ප්‍රියන්ත මහතා

සඳ රේණු වෑහෙනා මේ සීත රාත්‍රියේ

සඳ රේණු වෑහෙනා මේ සීත රාත්‍රියේ

ඔබ ඉන්න මාගේ ලඟින්

හද පිරුනු වේදනා පිසදා සිනා සලා

මට දෙන්න ආදරේ ඔබගේ හදින්

සඳ රේණු වෑහෙනා මේ සීත රාත්‍රියේ

ඔබ ඉන්න මාගේ ලඟින්

පියවී ලොවේ කිසිදා එක්වෙන්නෙ නෑ

එනමුත් මගේ හදින් වෙන්වෙන්නෙ නෑ

දෙතැන තනිවී සදා හෙලන සුසුමන් නිවා

ඔබ ඉන්න මාගේ ලඟින්

තිබුනත් හදේ පැතුමන් ඉටුවන්නෙ දෝ

ඔබ ගැන පැතූ සිතින් වැලපෙන්නෙ දෝ

කඳුළු හසරැල් මවා මසිත ලතැවුල් නිවා

ඔබ ඉන්න මාගේ ලඟින්

ගායනය: ශිහාන් මිහිරංග මහතා

හිත අස්සට හීන ගොඩක් ගෙනල්ලා දුන්න

හිත අස්සට හීන ගොඩක් ගෙනල්ලා දුන්න

ඔය ඇස් දෙක අමතක කර හිඳින්නෙ කොහොම

සුළඟ වගෙ මා අතහැර දුරක යන්නට

වරද මගෙ රත්තරනෙ කියලා දෙන්න

කඳුලක් කඳුලක් ගානෙ පෙම දියකරලා

සුසුමක් ගානේ හදවත දුක් ගිනි අවුලා

අමතක කරලන්නට බෑ මට නම් කිසිදා

ආදරේ කියා දුන්න ආදරි ඔයා

දැවුණත් දැවුණත් මියගිය පෙම සිහිකරලා

සුවඳක්වත් නෑ මතකයෙ අදනම් රැඳිලා

අමතක කරලන්නට බෑ මටනම් කිසිදා

ජීවිතේ කියා දුන්නු ආදරී ඔයා

ගායනය: අතුල අදිකාරී මහතා

සමාව ඉල්ලා දෙපා සිඹින්නට

සමාව ඉල්ලා දෙපා සිඹින්නට

එපා සොඳුරියේ මංගල යහනේ

වරදේ නොබැඳෙන සීතාවන් ලොව 

අද නැති බව මා දැන උන්නේ

විශ්වාසය ආදරේයි කියා

පෙර පෙම් බැඳි ඔහු කෙරේ ඔයා

පිදු බව දන්නෙමි ඔබෙ බඹසර මන්

එනමුදු මගෙ හද සලිත නොවේ

අඳුරු අතීතේ මැකී ගියා

යලි ඉපදී මා හද සෙවනේ

මතු දිවි අති තුරු ඔබ මා සෙවනේ

ඉනු මැන මින් පසු නොබැඳි වරදේ

ගායනය: ෂෙල්ටන් මුතුනමගේ මහතා