ඉසුරු කොදෙව්වේ

ඉසුරු කොදෙව්වේ පාළු ඉසව්වේ

අතීතයේ ඇඳි පෙම් සිතුවම්

බොඳ කරලන්නට ඇයි ඔබ සිතුවේ

මකා දමා දෙසිතක සටහන්

වියැකී යන්නට සැරසුනු මල දැක

සිත හැඬුවා මුළු ලොවට හොරෙන්

සමුගෙන යන්නෙමි යලිත් නොඑන්නට

මලේ සුවඳ ගෙන මලට හොරෙන්

යලිදු පතන්නට සිතුම් පෙළක් නැත

සිත හැඬුවා මුළු ලොවට හොරෙන්

සමුගෙන යන්නෙමි යලිත් නොඑන්නට

ඔබේ සුවඳ ගෙන ඔබට හොරෙන්

ගායනය:ජගත් වික්‍රමසිංග  මහතා 

සුපෙම් සුවඳක් අරන්

සුපෙම් සුවඳක් අරන් ඇවිත් සුලඟක් ලෙසින්
සදා රැඳෙනු සිතේ ඔබයි මගෙ ජීවිතේ

හිනා අහුරක් අරන් නැවුම් පැතුමක් ලෙසින්
සදා රැඳෙනු සිතේ ඔබයි මගෙ ජීවිතේ

පහන් තරුවක් වෙලා ඔබේ ලෝකය පුරා
හිදින්නම් සෑමදා ලගින් මියෙනා තුරා

ඔබේ සෙවනට වෙලා දෙපා මුල දැවටිලා
රැඳී ඉන්නම් සදා හදින් සෙනෙහස පුදා

ඔබේ සුරතල් සිනා නිවයි දුක් වේදනා
පිරී සිත සැනසුනා හදේ සෙනෙහස නිසා

ගතින් පෙරුමන් පුරා ඇවිත් සසරේ සරා
හිතේ නැවතුන නිසා මමත් ඔබගෙයි සදා

ගායනය: රොෂාන් ප්‍රනාන්දු මහතා

ගුමු ගුමුව වදුලේ

ගුමු ගුමුව වදුලේ
සිලිසිලිය සුලඟේ
මුනු මුනුව නදියේ
කසු කුසුව ගඟුලේ
අදයි මට ඇසුනේ
අදයි මට ඇසුනේ

විහඟ මිහිරාවී
මුදුහඬින රාගී
කොතැන තිබුනිද තී
අද ගයන මේ ගී

හද බඳුන ඉතිරී
ගලන මී මිහිරී
කොතන නම් සැඟවී
තිබිනිදැයි සොයමී

ගායනය:සමිතා මුදුන්කොටුව මහත්මිය

සඳ සඳ වගේ

සඳ සඳ වගේ

තරු තරු වගේ

මල් මල් වගේ

අපි අපි වගේ

ඔබ මා නොවන තුරු

මම ඔබ නොවන තුරු

ඔබ ඔබම දැයි

මම මමම දැයි

සඳ සඳ වගේ

තරු තරු වගේ

මල් මල් වගේ

අපි අපි වගේ

ගායනය:කසුන් කල්හාර මහතා

මතකයන්

මතකයන් අමතක කෙරුවත් 

අමතක වෙන්නේ නෑ 

ඔබ එපා යැයි මට සිතුනත් 

එපා වෙන්නේ නෑ 

යළි ඒවි යැයි සිත කීවත් 

ඔබ යළි එන්නේ නෑ 

සිත පුරා ආදරේ කරන්නට මට දැන් කව්රුත් නෑ 

අඬ අඬා මම කල් ගෙව්වත් 

ඔබ ලැබෙන්නේ නෑ

නොලැබෙනා බව මම කිව්වත් 

සිත පිළිගන්නෙත් නෑ 

මම නොමැති ලොවකවදාවත් 

ඔබ තනි වෙන්නේ නෑ 

ඔබ නොමැති ලොව කවදාවත් 

මට සිතේ සතුටක් නෑ 

සිහිවෙනා හැම මොහොතකදී 

නොසිත ඉන්නත් බෑ

හුදකලාවේ ඉන්නට සිතුවත් 

එහෙම ඉන්නත් බෑ 

සිත සිතා ඔබ ගැන හැමදාමත් 

මට අඬන්නත් බැ 

ඔබ නැති පාළුව මට දැනුනත් 

වෙනස් වෙන්නත් බෑ

ගායනය: දුෂාන් ජයතිලක

ඔබේ ළඟ නැති මේ සසරේ

ඔබේ ළඟ නැති මේ සසරේ

තනිකම දැනුනා අඳුරේ 

පැතුවා.. ඔබේ සිසිල උණුසුම් කතරේ 

ඔබ මා ළඟ නැති අතරේ 

රන් දේදුනු පෑයූදා 

ඔබ හා මා එක් වූදා 

මතකයි ඔබේ සුදු අත ගෙන පියමැන්නා 

පොද වැස්සක අපි දෙන්නා 

විළඳ පොරි ඉහලා 

අපට සුබ පැතුවා

අසිරි හඬ දීලා 

මංගලම් කීවා 

සුවදින් පිරී හසරැල් ඔබේ 

මගෙ මුවගට ලං වුවා 

ඔය රුව මගෙ නෙතු දුටුවා 

සඳ කිරණ වැදිලා

මල් සුවඳ දැනිලා 

පිනි දහඩිය වැටිලා ඔබෙ මුහුණ තෙමිලා 

ඔබ හා මෙමා දෙදෙනෙක් කියා සිතුවා ඉවරයි සිතුනා 

රැය පහන් කලා දෙනෙනා

මුල් ගායනය: ග්‍රේෂන් ජයමහ මහතා

මෙහෙනියක වී

මෙහෙනියක වී සසර කතරින් 

එතෙර වන්නට පාරමී පුරනා 

ඔබ පෙම්වතියක් ලෙසින් 

එදා මා පෙමින් එදා මා ලඟ උන්නා

අවිහිංසක ඔබ අවිහිංසක මා 

දෙගුරුන් හමුවේ ගැරහුම් ලැබුවා

මා රිදවන්නට නොහැකිව ඔබෙ හද 

මා රිදවන්නට නොහැකිව ඔබෙ හද 

දහස් වරක් දෙගුරුන් රිද වූවා 

පලිගන්ට මිස පිලිගන්නට මා 

දෙගුරුන්ගේ සිත් නොකැමති වූවා

ඒ පාපෙන් දෙගුරුන් මුදවන්නට  

ඒ පාපෙන් දෙගුරුන් මුදවන්නට 

කසා වතට ඔබෙ වත දන් දුන්නා

ගායනය: නාමල් උඩුගම මහතා