සඳ සඳ වගේ

සඳ සඳ වගේ

තරු තරු වගේ

මල් මල් වගේ

අපි අපි වගේ

ඔබ මා නොවන තුරු

මම ඔබ නොවන තුරු

ඔබ ඔබම දැයි

මම මමම දැයි

සඳ සඳ වගේ

තරු තරු වගේ

මල් මල් වගේ

අපි අපි වගේ

ගායනය:කසුන් කල්හාර මහතා

මතකයන්

මතකයන් අමතක කෙරුවත් 

අමතක වෙන්නේ නෑ 

ඔබ එපා යැයි මට සිතුනත් 

එපා වෙන්නේ නෑ 

යළි ඒවි යැයි සිත කීවත් 

ඔබ යළි එන්නේ නෑ 

සිත පුරා ආදරේ කරන්නට මට දැන් කව්රුත් නෑ 

අඬ අඬා මම කල් ගෙව්වත් 

ඔබ ලැබෙන්නේ නෑ

නොලැබෙනා බව මම කිව්වත් 

සිත පිළිගන්නෙත් නෑ 

මම නොමැති ලොවකවදාවත් 

ඔබ තනි වෙන්නේ නෑ 

ඔබ නොමැති ලොව කවදාවත් 

මට සිතේ සතුටක් නෑ 

සිහිවෙනා හැම මොහොතකදී 

නොසිත ඉන්නත් බෑ

හුදකලාවේ ඉන්නට සිතුවත් 

එහෙම ඉන්නත් බෑ 

සිත සිතා ඔබ ගැන හැමදාමත් 

මට අඬන්නත් බැ 

ඔබ නැති පාළුව මට දැනුනත් 

වෙනස් වෙන්නත් බෑ

ගායනය: දුෂාන් ජයතිලක

ඔබේ ළඟ නැති මේ සසරේ

ඔබේ ළඟ නැති මේ සසරේ

තනිකම දැනුනා අඳුරේ 

පැතුවා.. ඔබේ සිසිල උණුසුම් කතරේ 

ඔබ මා ළඟ නැති අතරේ 

රන් දේදුනු පෑයූදා 

ඔබ හා මා එක් වූදා 

මතකයි ඔබේ සුදු අත ගෙන පියමැන්නා 

පොද වැස්සක අපි දෙන්නා 

විළඳ පොරි ඉහලා 

අපට සුබ පැතුවා

අසිරි හඬ දීලා 

මංගලම් කීවා 

සුවදින් පිරී හසරැල් ඔබේ 

මගෙ මුවගට ලං වුවා 

ඔය රුව මගෙ නෙතු දුටුවා 

සඳ කිරණ වැදිලා

මල් සුවඳ දැනිලා 

පිනි දහඩිය වැටිලා ඔබෙ මුහුණ තෙමිලා 

ඔබ හා මෙමා දෙදෙනෙක් කියා සිතුවා ඉවරයි සිතුනා 

රැය පහන් කලා දෙනෙනා

මුල් ගායනය: ග්‍රේෂන් ජයමහ මහතා

මෙහෙනියක වී

මෙහෙනියක වී සසර කතරින් 

එතෙර වන්නට පාරමී පුරනා 

ඔබ පෙම්වතියක් ලෙසින් 

එදා මා පෙමින් එදා මා ලඟ උන්නා

අවිහිංසක ඔබ අවිහිංසක මා 

දෙගුරුන් හමුවේ ගැරහුම් ලැබුවා

මා රිදවන්නට නොහැකිව ඔබෙ හද 

මා රිදවන්නට නොහැකිව ඔබෙ හද 

දහස් වරක් දෙගුරුන් රිද වූවා 

පලිගන්ට මිස පිලිගන්නට මා 

දෙගුරුන්ගේ සිත් නොකැමති වූවා

ඒ පාපෙන් දෙගුරුන් මුදවන්නට  

ඒ පාපෙන් දෙගුරුන් මුදවන්නට 

කසා වතට ඔබෙ වත දන් දුන්නා

ගායනය: නාමල් උඩුගම මහතා

පහන් සිල දැල්විලා

පහන් සිල දැල්විලා

සමිඳු රුව එළිය වී 

අනුරුව සිතින් මවා 

සැනසෙමින් වඳින්නම් 

පිදූ මල් පාමුලේ 

සුවඳ හද වෙත එබේ 

භව කතර අනියතයි 

මෙනෙහි වේ හිමියනේ 

බෝ පත් සුළන් පොදින් 

ඔබ සෙවනේ සිසිලසයි 

නිවන් සිතිවිල්ලකින් 

හද නිවේ හිමියනේ 

ගායනය: ජගත් වික්‍රමසිංහ මහතා

බුදු කරුණා දෑස තෙමී

බුදු කරුණා දෑස තෙමී 

මෙත් සිහිලැලි ඇද හැලුනා 

නිවා තාප ලෝ කතරේ 

අමා වතුර ගලා බසී 

කඳු වැටි වල නිසොල්මනේ 

ගහ කොළ මල් පිපී නටයි 

නැවුම් පොළොව ළඟ ඉඳගෙන 

බුදු සිරිපා පහස ලබයි 

කෙළෙස් මලින් උකටලි සිත 

නිවා තවන සුවය සොයයි 

නිසල ඔබේ බුදු රුව ළඟ 

මගේ හද භාවනා කරයි

 

ගායනය: නන්දා මාලිනී මහත්මිය

බුදුනේ...

බුදුනේ... බුදුනේ... 

බුදු පියාණනේ.... 

මනුසත් දෙරණේ අඳුර මකා 

පුනරාගමනය කල මැනවී 

පුනරාලෝකය දෙනු මැනවී 

බුදුනේ.. බුදු පියාණනේ.... 

පියාණනේ ඔබ බෝ මැඩ සිටියත් නිසංසලේ..... 

ඔබ සෙවනැල්ලේ.. දුසිරිත් දැඩිවෙයි නිරන්තරේ... 

බැතියෙන් සපිරුණු ඔබගේ ලෝකය 

බොදුදම මැද මියැදී අවසානය 

බුදුනේ.. බුදු පියාණනේ.... 

නිවන් පුරේ සිට අදිසි වෙසින් හෝ වැඩම කරන් 

මිනිසත් කම ගැන බණ පදයෙන් හෝ බය දුරලන් 

ඔබ දුටු නිර්මල දැහැමි අතීතය 

අදමින් ජනසිත් අතර අනාතය 

බුදුනේ.. බුදු පියාණනේ.... 

ගායනය: ෂෙල්ටන් පෙරේරා මහතා